Azııa oıyndary altyny men úshin aıryqsha mańyzdy — Aıbek Oralbaı
NIShIO.KAZINFORM — Asa aýyr salmaqta óner kórsetetin qazaqstandyq boksshy Aıbek Oralbaı Japonııada ótip jatqan HH jazǵy Azııa oıyndarynda top jardy. Sportshy fınaldyq jekpe-jekten keıin Kazinform tilshisine shaǵyn suhbat berip, aldaǵy jospary týraly aıtty.
Boksshy aqtyq báseke tartysty ótkenin, alıda alǵa qoıǵan maqsatyn oryndaǵanyn jetkizdi.
- Fınal óte tamasha ótti. Qarsylasym myqty boksshy, ol da revansh jasap, meni jeńiý úshin keldi. Bir-birimizdi óte jaqsy bilemiz, birneshe ret qolǵap túıistirdik. Al maǵan Azııa oıyndary altyn medali aıryqsha mańyzdy. Sol sebepti qońyraý soǵylysymen birden shabýyldap, basymdylyqty sońyna deıin saqtadym. Serııalyq soqqylardy da kóbeıttim. Bapkerlerimniń tapsyrmasyn tolyq oryndap, maqsatyma jettim,- dedi Azııa chempıony.
Aıbek Orlbaı alda kele jatqan álem chempıonaty men Olımpıada oıyndaryna daıyndyqty bastaıtynyn aıtty.
- Qatelikterdi saralap, deńgeıimdi ary qaraı shyńdaı túsemin. Buıyrsa, Álem chempıonaty men Olımpıada oıyndary basty josparda bolady,- dep qysqa qaıyrdy boksshy.
Sóz sońynda, sportshy barlyq qazaqstandyqtarǵa qoldaý kórsetkeni úshin rahmet aıtty.
Tórehan Sabyrhan búgin Qazaqstan qorjynyna araǵa 12 jyl salyp Azııa oıyndarynyń altyn medalin saldy.
Sonymen qatar, qazaqstandyq boksshy Aıbek Oralbaı Azııa oıyndary fınalynda Ózbek boksshysyn jeńip, chempıon atandy.
Osyǵan deıin habarlaǵanymyzdaı, Temirlan Tileýles Azııa oıyndarynda chempıon atanǵan tuńǵysh qazaq taekvondoshysy atandy.
