Azııa oıyndary: Alǵashqy altyn júldeden keıin Qazaqstan medaldar kestesinde qaı orynda tur

Qytaıdyń Hanchjoý qalasynda ótip jatqan Azııa oıyndarynyń tórtinshi jarys kúninde Qazaqstan quramasynyń túsken alǵashqy altyn júldeden keıin medaldar kestesinde qaı orynda turǵany belgili boldy, dep habarlaıdy QazAqparat tilshisi. 

Azııa oıyndarynda stendtik atýdan Qazaqstan áıelder quramasy altyn medal jeńip aldy. Komanda quramynda Zoıa Kravchenko, Ásem Orynbaı jáne Olga Panarına bar.

Nátıjesinde medaldar kestesinde Qazaqstan quramasy 16-orynnan 11-orynǵa kóterildi. Olardyń enshisinde 1 altyn, 2 kúmis, 7 qola medal bar.

Medaldar kestesinde Qytaı, Ońtústik Koreıa jáne Japonııa quramalary alǵashqy úshtikte keledi.