Smetov pen Mırkadırova Azııa oıyndarynda el quramasynyń týyn alyp shyǵady
ASTANA. KAZINFORM — Aıchı jáne Nagoıadaǵy (Japonııa) HH jazǵy Azııa oıyndarynyń ashylý saltanatynda Qazaqstan quramasynyń týyn alyp shyǵatyn sportshylar anyqtaldy.
Sportshylar sherýinde Qazaqstannyń kók týyn dzıýdodan Olımpıada chempıony Eldos Smetov pen ústel tennısinen ulttyq qurama múshesi Sarvınoz Mırkadırova ustaıdy.
Eldos Smetov — 2024 jylǵy Olımpıada chempıony, 2016 jylǵy Olımpıadanyń kúmis jáne 2020 jylǵy Olımpıadanyń qola júldegeri. Sondaı-aq onyń qorjynynda álem chempıonaty men 2014 jylǵy Azııa oıyndarynyń altyn medaldary bar.
Sarvınoz Mırkadırova — Qazaqstannyń birneshe dúrkin chempıony. Ol WTT Feeder sanatyndaǵy halyqaralyq týrnırlerde júldege ıe bolǵan, sondaı-aq, álem jáne Azııa chempıonattaryna qatysqan.
Azıada-2026 oıyndarynyń ashylý saltanaty 19 qyrkúıekte Nagoıa qalasyndaǵy Nagoya City Mizuho Park Athletic Stadium stadıonynda ótedi. HH jazǵy Azııa oıyndary 4 qazanǵa deıin jalǵasady.
Eske salaıyq, buǵan deıin Azııa oıyndaryn «Qazaqstan» jáne «Qazsport» telearnalary tikeleı efırde kórsetetinin habarlaǵanbyz.
