Azııa oıyndary - 2026: Qazaqctan karateshileriniń alǵashqy qarsylasy anyqtaldy
ASTANA. KAZINFORM – Japonııanyń Aıchı prefektýrasy men Nagoıa qalasynda bastalǵan jazǵy Azııa oıyndarynda WKF karateden jerebe tartý rásimi ótti, dep habarlaıdy QR Týrızm jáne sport mınıstrligi Sportty damytý dırektsııasynyń baspasóz qyzmeti.
Erteń Qazaqstan komandasynyń sportshysy Jolaman Bıǵabyl 55 kg deıingi salmaqtyń shırek fınalynda Mahsatýllo Mýmınovpen (Tájikstan) kúsh synasady.
Bul juptyń jeńimpazy jartylaı fınalda Muhammed Tegar (Indonezııa) nemese Ak Ahmad Mýnıb Hasımýdın (Brýneı) arasyndaǵy myqtymen kezdesedi. Al Hanchjoý Azıadasynyń chempıony Sofıa Berýltseva (+68 kg) shırek fınalda Dına Ahmed Mostafamen (Saýd Arabııasy) aıqasady.
Kelesi kezeńdegi yqtımal qarsylastar - Arıka Gýrýng (Nepal) nemese ıAra Naser (Iordanııa). Jalpy XX jazǵy Azııa oıyndary kezinde karateshiler 20-23 qyrkúıek aralyǵynda tatamıge shyǵady.
Báseke Toehası sport zalynda ótedi.
Ulttyq quramanyń ózge sportshylary Ásel Qanaı (-61 kg) men Oljas Altynbek (-67 kg) 21 qyrkúıekte, Bella Samasheva (-55 kg) jáne Nurqanat Ájiqanov (-75 kg) 22 qyrkúıekte tatamıge shyǵady.
Aıta keteıik, XX jazǵy Azııa oıyndaryna Qazaqstan Ulttyq quramasynyń 558 sportshysy qatysady. Olar jarys baǵdarlamasyndaǵy 35 sport túrinen júldege talasady.
Japonııada HH jazǵy Azııa oıyndarynyń alaýy jaǵylǵanyn jazǵan dik.
