Azııa oıyndary - 2025: 10 aqpanda Qazaqstan sportshylary qandaı nátıje kórsetti

ASTANA. KAZINFORM – Týrızm jáne sport mınıstrligi qysqy Azııa oıyndarynda Qazaqstan sportshylarynyń 10 aqpandaǵy nátıjesin jarııalady.

Frıstaıl-akrobatıka: Qazaqstan quramasy aralas komandalyq synda kúmis medal jeńip aldy. Komanda sapynda Aıana Joldas, Asylhan Asan jáne Sherzod Hashırbaev óner kórsetti.

Shańǵy jarysy: Erler arasynda 10 shaqyrymǵa erkin stılde jarysta Ulttyq qurama sportshysy Oljas Klımın qola júldeger atandy.

Al Vladıslav Kovalev máre syzyǵyn 6-shy, Naıl Bashmakov 10-shy, Ernar Nurysbekov 16-shy bolyp kesti.

Konkımen júgirý: Erler arasyndaǵy 500 metrge jarysta Evgenıı Koshkın 4-shi, Altaı Járdembekuly 9-shy, Nıkıta Vajenın 15-shi jáne Roman Bınazarov 16-orynǵa ıe boldy.

3000 metrge áıelder básekesinde Nadejda Morozova 4-shi, Krıstına Shýmekova 6-shy, Arına Ilıaşenko 12-shi nátıje kórsetti.

Erler arasynda komandalyq sprıntte Ulttyq quramamyz 4-orynnan kórindi. Komanda sapynda Altaı Járdembekuly, Nıkıta Vajenın, Artýr Galıev óner kórsetti.

Kerlıng: Qazaqstan áıelder quramasy búgingi kúninniń birinshi kezdesýinbe Taıbeı sportshylaryn iri eseppen jeńse (14:0), ekinshi matchta Qytaı quramasynan jeńilip qaldy.

Al kerlıngten erler Ulttyq quramasy Fılıppınmen oınap, jeńilip qaldy. Esep: 1-4.

Shaıbaly hokkeı: Elimizdiń erler quramasy kezekti jeńisine qol jetkizdi. Bul joly Oleg Bolıakın shákirtteri Ońtústik Koreıa komandasynan basym tústi. Esep: 2-1. Osylaısha, Ulttyq qurama toptan jeńilissiz shırek fınalǵa shyqty.