Azııa oıyndary: 2 qazanda qazaqstandyq sportshylar qaı sport túrlerinen synǵa túsedi
ASTANA. KAZINFORM — Týrızm jáne sport mınıstrligi 2 qazan kúni óner kórsetetin qazaqstandyq sportshylardyń jarys kestesin usyndy.
2 qazan kúni Aıchı–Nagoıa 2026 Azııa oıyndarynda qazaqstandyq sportshylar birneshe sport túrinen jarysqa qatysady.
Saǵat 05:00-de taekvondoshy Rıta Baqshıeva vırtýaldy taekvondodan synǵa túsedi. Bul básekede 1/8 fınaldan bastap, shırek fınal, jartylaı fınal jáne fınaldyq kezeńder ótedi.
05:40-ta djıý-djıtsýdan Seıilhan Bolatbek pen Alan Madaev 77 kelige deıingi salmaq dárejesinde irikteý kezeńinde beldesedi. Sondaı-aq jartylaı fınaldyq kezdesýler josparlanǵan.
05:50-de regbı-7 sportynan Qazaqstan quramasy Ońtústik Koreıamen kezdesedi. Bul — toptyq kezeńdegi oıyn.
06:00-de velotrekten Rınata Sultanova áıelder arasyndaǵy omnıým básekesinde skretch jáne tempo dıstsıplınalarynda jarysady. Osy ýaqytta Andreı Chýgaı men Kırıll Kýrdın erler arasyndaǵy keırın saıysynyń alǵashqy kezeńine qatysady.
06:30-da erkin kúresten Nachyn Kýnar, Azamat Dáýletbekov jáne Erǵalı Qasymbek 65, 86 jáne 125 keli salmaq dárejelerinde beldesedi. Bul ýaqytta irikteý jáne jartylaı fınaldyq kezdesýler ótedi.
Áıelder kúresinen Zeınep Baıan men Elmıra Syzdyqova 50 jáne 76 kelige deıingi salmaq dárejelerinde irikteý kezeńi men jartylaı fınaldyq beldesýlerge qatysady.
Saǵat 06:30-da jelkendi sporttan Ilıa Ivanov, Taısııa Ilına, Vladımır Shankın, Erkebulan Sardarbekov, Tursynaı Áshirbaı jáne ıAna Belozerova Dinghy sanatyndaǵy jarystarǵa qatysady. Báseke jasóspirimder, qyzdar, erler, aralas jáne áıelder sanattaryn qamtıdy.
07:00-de slalomda eskek esýden Ekaterına Tarantseva men Anastasııa Ananeva áıelder arasyndaǵy W1 sanatynda irikteý kezeńinde baq synaıdy.
Osy ýaqytta dzıýdodan Ekaterına Tokareva (78 keli), Aıda Toıshybekova (78 keliden joǵary), Aıdar Arapov (90 keli), Marat Baıqamurov (100 keli) jáne Erasyl Qajybaev (100 keliden joǵary) tatamıge shyǵady. Sportshylar irikteý kezeńinde beldesip, qola júlde úshin de jarysady.
Saǵat 07:30-da regbı-7 sportynan Qazaqstan áıelder quramasy Sıngapýr komandasymen toptyq kezeń aıasynda kezdesedi. Sonymen qatar slalomda eskek esýden Aleksandr Korobov pen Vladıslav Rıabko erler arasyndaǵy M1 sanatynda irikteý kezeńine qatysady.
09:30-da taekvondodan Temirlan Tineýs 58 kelige deıingi salmaqta 1/8 fınalda óner kórsetedi. Batyrhan Tólegen 80 kelige deıingi salmaqta shırek fınalda, al Rıta Baqshıeva 49 kelige deıingi salmaqta jartylaı fınalda baq synaıdy.
Erteń sondaı-aq qazaqstandyq sportshylar kelesideı sport túrlerinen jarys jolyna shyǵady.
Saǵat 09:30-da slalomda eskek esýden áıelder arasyndaǵy WX1 sanatynda shırek fınaldyq jarystar bastalady. 09:46-da MX1 sanatynda shırek fınal ótedi.
09:35-te regbı-7 sportynan 9–12-oryndar úshin matchtar josparlanǵan.
10:00-de bokstan 70 kelige deıingi salmaqta Tórehan Sabyrhan Iordanııa ókili Z. Ishashpen fınalda kezdesedi.
Osy ýaqytta breıkıngten Aızara Jumabekova men Saıara Ábilbekova G-girls sanatynda irikteý kezeńine qatysady.
10:14-te slalomda eskek esýden WX1 sanatyndaǵy jartylaı fınal, al 10:22-de MX1 sanatyndaǵy jartylaı fınal ótedi.
10:25-te regbı-7 sportynan shırek fınaldyq oıyndar bastalady.
10:30-da djıý-djıtsýdan qola medal úshin beldesý ótedi. Sondaı-aq osy ýaqytta tennısten ıÝlııa Pýtıntseva men Anna Danılına áıelder arasyndaǵy juptyq synda jartylaı fınalǵa qatysady.
