Azııa oıyndary: 10 shaqyrymǵa júgirýden el quramasy qorjynyna qola tústi

Búgin qazaqstandyq Karolın Chepkoech Kıpkırýı 10 shaqyrymǵa júgirýden Qytaıdaǵy Azııa oıyndarynyń qola júldegeri atandy, dep habarlaıdy QazAqparat tilshisi.

Ol belgilengen qashyqtyqty 33:15.83 sekýndta júgirip ótti. Nátıjesinde máre syzyǵyn birinshi bolyp qıdy.

Atalǵan qashyqtyqta bahreındik Vıola Djepchýmba Kılonzo Motosıo (31:43.73) chempıon atansa, japonııalyq Rırıka Hıronaka (31:50.74) ekinshi oryn aldy.

Qazirge deıin qazaqstandyq sportshylar Azııa oıyndarynda 26 medal enshiledi. Olardyń 3-i altyn, 4-i kúmis, 19-y qola.

Eske salsaq, Azııa oıyndarynda sý dobynan Qazaqstan áıelder quramasy Taılandty jeńdi.

Sondaı-aq, Qazaqstan áıelder quramasy kógaldaǵy hokkeıden alǵashqy jeńisine qol jetkizdi.