Azııa Olımpıadalyq keńesi Azııa oıyndaryna qatystyrylatyn Astanadaǵy nysandardyń halyqaralyq talaptarǵa saı keletindigin rastady
ASTANA. 10 qańtar. QazAqparat /Gúlmıra Álıakparova/ - Azııa Olımpıadalyq keńesi Qysqy Azııa oıyndaryna arnap Astana qalasynda salynǵan nysandardyń halyqaralyq talaptarǵa jaýap beretindigin rastady.
Bul týraly búgin «QazAqparatqa» elordanyń Týrızm jáne sport basqarmasynan málim etti.
Astanada 7-Qysqy Azııa oıyndaryna tórt sporttyq nysan qatystyrylady. Onyń úsheýi Azııa oıyndaryna arnaıy salyndy.
«Alaý» konkımen júgirý stadıony, Respýblıkalyq velotrek, «Barys» jáne «Qazaqstan» sport keshenderinde búgingi kúni qurylys-montaj jumystary tolyǵymen aıaqtaldy. Azııa Olımpıadalyq keńesiniń komıssııasy nysandardyń barlyq talaptarǵa saı ekendigin rastady.
Ótken jyldyń qarasha-jeltoqsan aılarynda barlyq sporttyq qurylymdarda respýblıkalyq jáne halyqaralyq deńgeıdegi synamalyq jarystar ótti. Máselen, «Qazaqstan» sport kesheninde Kontınentaldyq hokkeı lıgasynyń chempıonaty, «Barys» sport kesheninde hokkeıden jasóspirimder arasyndaǵy respýblıkalyq jarystar, respýblıkalyq velotrekte Reseı Federatsııasy sportshylarynyń qatysýymen short-trekten Qazaqstan Respýblıkasynyń Kýbogy úshin baıraqty báseke jáne Konkımen júgirý stadıonynda konkımen júgirý sportynan el Kýbogy úshin jarystar ótti.
