Azııa musylmandary komıteti Shymkentte myńdaǵan qaıyrymdylyq jobalardy júzege asyrdy

ShYMKENT. QazAqparat - Kýveıttiń Búkilálemdik Islamdyq qaıyrymdylyq qory 1989 jyly 9 aqpanda qurǵan Qazaqstandaǵy Azııa musylmandary komıtetiniń kedeılik pen jumyssyzdyqty joıý, jetim balalardy qorǵaý, otbasylyq jaǵdaı tómen otbasylarǵa kómek kórsetýde 1993 - 2016 jyldar aralyǵynda Shymkentte júzege asyrǵan jobalary jaıly málim etildi.

  
Kýveıttiń Búkilálemdik Islamdyq qaıyrymdylyq qory Kýveıt ámiri sheıh Djabır al-Ahmad as-Sabahtyń qaýlysymen 1986 jyly 21 maýsymda qurylǵan bolatyn. 1992 jyly QR Shymkent qalasynda Alııa musylmandar komıtetiniń ofısin qurý týraly ótinish jasaldy. Osy ótinish negizinde 1993 jyly 22 maýsymda QR Ádilet mınıstrliginiń Shymkentke  akkredıtatsııalaý jónindegi  ruqsatyn aldy.

Komıtettiń ofısi 2001 jylǵa deıin Almaty qalasynda jumys jasap, ókildik dırektorynyń ruqsatymen jabyldy.

   

23 jyl boıy júzege asyrylǵan jobalardyń qatarynda Shymkenttegi 54 meshittiń qurylysy, 8 ıslam ortalyǵynyń iske qosylýy (meshit-medreseler, jýyný oryndary, ımamdar bólmesi), 1 mektep, 5 shaqyrymdyq Qarabulaq ózenindegi sý kanaly, meshit salý barysynda Shardj qoryna kómek kórsetý, 1180 qudyq qazý, 30-90 metrlik tereńdiktegi 6 artezıan qudyǵy, 12 ambýlatorııa qurylysy jasaldy.

14 joba bilim berý, sondaı-aq zeket, qaıyrymdylyq baǵytynda (naýqastarǵa dári-dármek satyp alý, turmys deńgeıi tómen otbasylardyń balalaryna mektepke qajetti oqý quraldary men kıimderin alyp berý) iske asty. Myńǵa jýyq joba OQO jetim balalary, turmys deńgeıi tómen otbasylarǵa, balalar úıi men meshit ımamdaryna kómektesý maqsatynda jasaldy.