Azııa mıllıonerler sany jaǵynan Soltústik Amerıkadan ozdy
ASTANA. QazAqparat - Ońtústik Shyǵys Azııa mıllıoner adamdardyń sany jaǵynan Soltústik Amerıkadan ozdy. Bul týraly Capgemini konsaltıng kompanııasy men RBC Wealth Management kompanııasynyń ǵalamshardyń túrli bólikterindegi adamdardyń ál-aýqaty týraly qurastyrǵan esebindegi málimetter kýálandyryp otyr.
Azııa-tynyq muhıty aımaǵyndaǵy mıllıonerler sany 4,69 mln. adamdy, al Soltústik Amerıkada - 4,68 mln. adamdy quraǵan.
Zertteý jeltoqsan men aqpan aılary kezeńinde ótkizildi, sondyqtan bıylǵy jyldyń shildesinde Qytaı qor bırjalarynyń qulaýy onyń qorytyndylaryna áser etken joq.
«Birneshe aıdan keıin biz onyń Qytaıdaǵy ál-aýqat ósimine qalaı áser etkenin biletin bolamyz», - dedi Capgemini strategııalyq taldaý tobynyń basshysy Devıd Ýılson.
Ońtústik Shyǵys Azııa Soltústik Amerıkadan mıllıonerler sany jaǵynan 2011 jyly da ozǵan bolatyn.
