«Azııa Mıks» KVN komandasynyń múshesi qylmystyq áreket kúdigimen ustaldy

BІShKEK. QazAqparat – Maratık atymen tanymal, «Azııa Mıks» KVN komandasynyń múshesi Marat Djýmanalıev qylmystyq áreket kúdigimen ustaldy. Aqparatty quqyq qorǵaý organdary rastady, dep habarlaıdy QazAqparat Kabar agenttigine silteme jasap.

Qyrǵyzstan memlekettik ulttyq qaýipsizdik komıtetiniń baspasóz qyzmetinen habarlaǵandaı, eki kúdikti ustalǵan. Olar «Spekýlıant» kompanııasynyń bas dırektory, RF azamatynyń senimine kirip, shetel valıýtasyndaǵy iri kólemdegi aqshalaı qarajatyn ıemdengen jáne onyń quqyq qorǵaý organdaryndaǵy máselesin sheshýge yqpal etýge ýáde bergen.

Eki kúdikti bergen ýádesin oryndamaı, aqshalaı qarajatty ıemdený maqsatynda «Spekýlıant» kompanııasynyń bas dırektorynyń týystaryna qysym kórsetken. Sondaı-aq, respýblıka joǵary basshylyǵynda jeke baılanystary bar ekenin, MUQK tóraǵasy K. Tashıevtyń ulymen jeke tanys ekenin aıtyp, qorqytqan.

Sotqa deıingi tekserý barysynda ekeýi kinálaryn moıyndaǵan. Qazirgi ýaqytta jedel tergeý is-sharasy jalǵasyp jatyr.

Foto: for.kg