Azııa men álemdi baǵyndyrǵan Qazaqstan semserlesýshilerin jańa báseke kútip tur
ASTANA. KAZINFORM — Qazaqstan quramasy semserlesýden 15-18 qazan aralyǵynda Marokkonyń Kasablanka qalasynda ótetin álem kýbogynyń kezeńinde baq synaıdy.
Halyqaralyq jarysta qazaqstandyq sportshylar shpagadan erler men áıelder arasynda jekeleı jáne komandalyq saıystarǵa qatysady.
Erler arasyndaǵy jekeleı saıysta Qazaqstan namysyn Nurjan Ábjanov, Elmır Álimjanov, Aleksandr Fedotov, Alekseı Kasatkın, Ańsar Qasen, Rýslan Qurbanov, Bogdan Lýkın, Kırıll Pavlov, Kırıll Prohodov, Erlik Sertaı, Vadım Sharlaımov jáne Georgıı Tınnıkov qorǵaıdy.
Áıelder arasyndaǵy jekeleı saıysqa Vladıslava Andreeva, Irına Bakaldına, Sofıa Nıkolaıchýk jáne Darıa Samodelkına qatysady.
Erler arasyndaǵy komandalyq básekede Rýslan Qurbanov, Kırıll Prohodov, Erlik Sertaı jáne Vadım Sharlaımov óner kórsetedi. Áıelder quramasynyń sapynda Vladıslava Andreeva, Irına Bakaldına, Sofıa Nıkolaıchýk jáne Darıa Samodelkına bar.
Aıta keteıik, Qazaqstan erler quramasy semserlesýden 2026 jyly Azııa men álem chempıonatynda jáne Azııa oıyndarynda jeńimpaz atandy. Japonııada ótken Azııa oıyndarynda qazaqstandyqtar altyn medal ıelense, Kırıll Prohodov jekeleı saıysta kúmis júldege qol jetkizdi.
Eske salaıyq, buǵan deıin semserlesýden Qazaqstannyń erler quramasy keıingi tórt aıda Azııa chempıonatynda, álem chempıonatynda jáne Azııa oıyndarynda jeńiske jetip, tarıhı nátıjege qol jetkizgenin jazǵanbyz.
