Azııa kýbogy: Qazaqstandyq veloshabandoz jeńimpaz boldy
NUR-SULTAN. QazAqparat - Malaızııada maýntınbaıktan Azııa kýbogynyń kezekti serııasy aıaqtalyp, onda qazaqstandyq Kırıll Kazantsev jeńimpaz atandy, dep habarlaıdy QazAqparat Olympic.kz saıtyna silteme jasap.
Olımpıadalyq kross-kantrıden ótken jarysta qazaqstandyq sportshy márege birinshi bolyp keldi. Kazantsevtiń ýaqyt kórsetkishi – 1:35.43. Ekinshi jáne úshinshi oryndardy japon sportshylary ıelendi.
Temirlan Muhamedııanov pen Ádil Shákirov tıisinshe besinshi jáne altynshy orynǵa taban tiredi.
Sondaı-aq, estafetada qazaqstandyqtar márege birinshi bolyp keldi. Estafetalyq synda Qazaqstan namysyn Kırıll Kazantsev, Egor Karasev,Tatıana Bogdanova jáne Aleksandr Dymovskıh qorǵaǵan bolatyn.
