Azııa kýbogy: Golendov pen Sultanbekov juby eskek esýden top jardy
SAMARQAN. QazAqparat - Samarqan qalasynda eskek esýden Azııa kýbogy jalǵasýda. Keshe Ilıa Golendov pen Dáýlet Sultanbekov juby eki adamdyq baıdarkada top jardy (200 metr), dep habarlaıdy QazAqparat.
Olympic.kz saıtyna suhbat bergen Golendov qysqa qashyqtyqta halyqaralyq syndarǵa alǵash qatysqanyn aıtady.
«Jarys bitýge taıaý. Búgin sońǵy kún. Biz endi tórt adamdyq baıdarkada jeńiske jetýge tyrysamyz. Shyny kerek, demalystan kelgen soń azdap qobaljydym. Sporttyq babym da aıtarlyqtaı emes edi. Sol sebepti, bul altyn men úshin baǵaly.
Sondaı-aq, bul meniń qysqa qashyqtyqtaǵy alǵashqy jarysym. Bastamasy jaman emes. Jas sportshylar da jaqsy qarqyn alyp keledi. Búgin elimizge taǵy bir altyn syılaımyz degen úmittemin. Jeńis úshin kúresemiz», - dedi Golendov.
Eske sala keteıik, Djakartadaǵy Azııa oıyndarynda Ilıa Golendov eki altyn jeńip aldy.
