Azııa kýbogy: Basketboldan Qazaqstan quramasy ekinshi márte jeńiske jetti
ASTANA. KAZINFORM — Basketboldan Qazaqstan quramasy Azııa kýbogy irikteý satysynda ekinshi oıynynda Qatar quramasynan basym tústi.
El quramasy E tobynda synǵa túsedi. Qarsylastary — Iran, Qatar jáne Úndistan quramalary.
Búgingi kezdesýdi el quramasy sátti bastady. Birinshi kezeńde qarsylasyn 19:12 esebimen jeńse, esesine kelesi kezeńde 14:25 esebimen jol berdi.
Úshinshi kezeńde qaıtadan 15:12 esebimen alǵa shyqsa, tórtinshi kezeńde 25:18 esebimen jeńdi.
Osylaısha el quramasy qarsylasyn 73:68 esebimen súrindirdi.
Sondaı-aq, atalǵan topta búgin Iran quramasy Úndistandy 86:53 esebimen tize búktirdi.
Endi el quramasy syrt alańda 22 qarashada Iran, 25 qarashada Úndistanmen oınaıdy.
Al óz alańynda 2025 jyldyń 21 aqpanynda Qatar, 24 aqpanynda Iranmen kezdesedi.
Fınaldyq týrnır 2025 jyldyń 5-17 tamyzynda Saýd Arabııasynda ótkiziledi.
Azııa kýbogy 1960 jyldan beri turaqty túrde uıymdastyrylyp keledi.
Eske salsaq, budan buryn el quramasy Úndistannan 63:50 esebimen basym tústi.