Azııa klýbtyq chempıonatynan qazaqstandyq taekvondoshylar tabysty oraldy
ASTANA. KAZINFORM — Qytaıdyń Ýsı qalasynda ótken taekvondodan Azııanyń ashyq klýbtyq chempıonatynda qazaqstandyq sportshylar jeti medal aldy.
Qazaqstan taekvondo federatsııasynyń habarlaýynsha, jarystyń ekinshi kúninde Damır Shúlenov (68 keli) chempıon atansa, Tamırlan Tileýles (58 keli) qola júldege qol jetkizdi.
Jarystyń alǵashqy kúni, 29 sáýirde Marııa Sevostıanova chempıon atansa, Beıbarys Qablan (87 keliden joǵary) kúmis medal ıelendi.
Sondaı-aq Altaır Ómirbekov (74 keli), Batyrhan Tóleýǵalı (80 keli) jáne Nodıra Ahmedova (49 keli) qola júldeger atandy.
Eki kúnge sozylǵan chempıonatty Qazaqstan quramasy 2 altyn, 1 kúmis jáne 4 qola júldemen jalpy medal kestesinde tórtinshi orynmen aıaqtady.
Aıta ketsek, týrnırge Azııanyń 14 elinen 219 sportshy qatysty.