«Azııa keńesi Nazarbaevtyń kúsh-jigeriniń arqasynda ómirge keldi» - respýblıkalyq basylymdarǵa sholý

***

«Alash aınasy» gazetiniń búgingi sany erteń, maýsymnyń 11-i kúni bastalatyn dúbirli dop dodasyna arnalǵan. Fýtbol jankúıerleri bul nómirden álemdik dodanyń teledıdardan kórsetiler kestesinen bastap sportqa qatysty barlyq málimetterdi taba alady. Sondaı-aq «Alash azamaty» aıdarynan Quralbek Ordabaevpen bolǵan qazaq fýtboly týraly qyzyqty suhbatty oqı alasyzdar. Áıgili qaqpashy, qazaq fýtbolynyń ardagerimen bolǵan ekeýara áńgime «Aıaqdopta armany kóp halyqpyz» degen taqyryppen basylǵan. Basylym tilshisiniń san túrli saýaldaryna tuşymdy jaýap bergen ol «ulttyq quramaǵa Qazaqstan fýtbol federatsııasynyń prezıdenti jaýap berýi kerek. Ulttyq quramaǵa Qazaqstan fýtbol federatsııasynyń bas hatshysy emes, Qazaqstan fýtbol federatsııasynyń vıtse-prezıdenti emes, prezıdenttiń ózi jaýap bergeni durys. Qazaqstan fýtbol federatsııasynyń prezıdenti - osy uıymnyń birinshi tulǵasy, al ulttyq qurama - el fýtbolynyń aınasy, birinshi tulǵasy», degen oıyn alǵa tartqan.

Osy basylymnyń «Oı-kókpar» aıdarynyń búgingi saýaly - «Ulttyq quramanyń tizginin sheteldikterge ustatqannan qazaq fýtboly utty ma?». Osy suraqqa jaýap bergen «Habar» telearnasynyń sporttyq baǵdarlamalar prodıýseri Tımýr Kamashev «bilikti sheteldik bapkerlerdiń Qazaqstanda jumys isteý - tájirıbe almasý úshin taptyrmas dúnıe» dese, fýtbol ardageri, bapker Bolat Esmaǵambetov «negizi mundaı máselelerdi Qazaqstan fýtbol federatsııasy sheshedi ǵoı. Olar qandaı sheshim shyǵarsa, solaı durys bolýy kerek. Negizi, kóp jaǵdaıda bapkerdiń azamattyǵynda, ultynda turǵan eshteńe joq» deıdi.

Sondaı-aq «Alash aınasy» gazetiniń beısenbilik nómirinen qazaq tildi kommentatorlardyń jetispeýi, fýtboldan tikeleı reportajdy taza qazaq tilinde júrgizý týraly Amangeldi Seıithanmen aradaǵy suhbatta qamtylǵan. Álemdik dop dodasynda qaı topta qandaı komandalar saıysqa túsetini, komandanyń tolyq quramy jaıly málimetterdi de osy nómirden tabýǵa bolady.

«Búginde Astana qalasynyń tutynýshylaryn ýaqtyly sýmen jabdyqtaýdy qamtamasyz etý maqsatynda retteletin barlyq qyzmet túrlerinde tarıfterdi kóterý qajettigi týyndap otyr. Osyǵan oraı, «Astana sý arnasy» kásiporyn QR Tabıǵı monoolııalardy retteý agenttiginiń qalalyq departamentine ótinim bergen bolatyn», dep jazady «Astana aqshamy» gazeti. Basylymnyń atap ótýinshe, sýmen jabdyqtaý qyzmetteriniń tarıfteri toptar boıynsha saralaǵan jobalyq kólemi QQS-ti qospaǵanda sýdy tutynýdyń bir aılyq shekti mólsherinde adam basyna 3 tekshe metr bolyp belgilenedi jáne 27,14 teńge bolady. 2 top 3 pen 6,5 tekshe metr aralyǵynda 54,15 teńge, 3-shi top 6 tekshe metrden asatyndarǵa 105,9 teńge bolady. ıAǵnı tarıfter 3 ese óspek.

***

«Nur Astana» gazetiniń búgingi sanynda «PARIGI Group» kompanııasynyń vıtse-prezıdenti Harýn Reshıt Aıdynmen aradaǵy suhbat «Qazaqstandaǵy jobalardan ınvestıtsııa aıamaımyz» degen taqyryppen berilgen. Ekeýara áńgime barysynda ol «biz óz tarapymyzdan Qazaqstanmen arada uzaq merzimdi baılanys ornatýǵa barynsha múddeli bolyp otyrmyz. Bul eki tarap úshin de tıimdi dep oılaımyn. Osy oraıda, men bir máseleni basa aıtqym kelip otyr. «PARIGI Group» Qazaqstanǵa bir márte ınvestıtsııa quıyp, keıin qarajatty syrtqa alyp ketýdi kózdep otyrǵan joq. Eger ekijaqty tıimdi baılanys ornatsaq, tapqan qarajatymyzdy osy elde aınalymǵa jiberemiz», depti.

Túrkııanyń Ystambul qalasynda Azııadaǵy ózara is-qımyl jáne senim sharalary jónindegi keńestiń ІІІ sammıti aıaqtaldy. Osyǵan oraı «Aıqyn» gazetinde «Azııa keńesi Nazarbaevtyń kúsh-jigeriniń arqasynda ómirge keldi» degen taqyryppen maqala jaryq kórdi. Basylymnyń atap ótýinshe sammıt qorytyndysy boıynsha Ystambul saıası deklaratsııasy qabyldanyp, AÓІSShK-ge múshe elder Syrtqy ister mınıstrleri AÓІSShK Hatshylyǵynyń, onyń personalynyń jáne AÓІSShK-ge múshe memleketter ókilderiniń artyqshylyqtary men ımmýnıtetteri týraly konventsııaǵa qol qoıǵan.

«Aıqyn» gazetiniń jazýynsha, memleketimizde azamattardyń hal aktilerin tirkeý, sonyń ishinde neke qııý men bala týylýlaryn tirkeý jyl saıyn kóbeıip kele jatqan kórinedi. «Memlekettik qamqorlyqtyń arqasynda bılyǵy jyldyń birinshi toqsanynda azamattyq hal akitelirn tirkeý byltyrǵyǵa qaraǵanda 14 paıyzǵa ósken», dep málim etedi basylym «Halqymyzdyń sany ósip keledi» degen maqalasynda.

***

«Kazahstanskaıa pravda» gazetiniń búgingi nómirinde Memleket basshysynyń Mańǵystaý oblysyndaǵy jumys sapary egjeı-tegjeıli baıandalǵan. Sapar barysynda Nursultan Nazarbaev Qazaqstannyń ındýstrııalandyrý kartasy boıynsha atqarylyp jatqan jumystarmen tanysyp, telekópir arqyly negizgi jobalardyń basshylarymen tikeleı baılanysqa shyqqan. Sondaı-aq osy kúni Prezıdent Qazaqstandaǵy alǵashqy oralmandary beıimdeý jáne kiriktirý ortalyǵynyń jumysymen tanysyp, Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń stýdentterimen júzdesken. Munan soń Elbasy «Aqtaý» oıyn-saýyq kesheninde bolǵan.

Prezıdenttiń Mańǵystaý oblysyndaǵy jumys sapary jaıynda «Aıqyn», «Lıter» basylymdary da tarqata jazǵan.

«Jambyl oblysynyń atqarýshy organdary bıznestiń damýy úshin ashyq ári jaıly ahýal qalyptastyrý arqyly basqa basqa óńirlerge úlgi bolýy qajet. Mundaı tapsyrmany atalǵan oblysta jumys saparymen júrgen Úkimet basshysy K.Másimov berdi», dep jazady «Ekspress K» gazeti.

Premer-Mınıstr kóptegen baǵyttar boıynsha, onyń ishinde údemeli ındýstrııalyq-ınnovatsııalyq damý memlekettik baǵdarlamasyn oryndaý barysynda oń ózgeristiń bar ekendigin atap ótken.