Azııa Infraqurylymdyq Investıtsııalar Bankiniń músheler sany 77-ge jetti

ASTANA. QazAqparat - Azııa Infraqurylymdyq Investıtsııalar Bankine (AIIB) múshe-memleketter sany 77-ge jetti. Bul týraly «QazAqparat» HAA qytaılyq «Jenmın jıbao» gazetine silteme jasap habarlaıdy. 

«13 mamyrda Beıjiń qalasynda AIIB Basqarýshylar keńesi banktiń quramyna 7 jańa múshesin qabyldaýdy maquldaǵanyn jarııa etti. Osylaısha AIIB músheler sany 77-ge deıin ulǵaıyp otyr», - dep jazady «Jenmın jıbao».

AIIB Prezıdenti Tszın Lıtsıýnniń aıtýynsha, maquldanǵan ótinimderdiń úsheýi buǵan deıin kútilgen óńirlik músheler sanalatyn Bahreın, Kıpr jáne Samoa tarapynan bolsa, qalǵan tórteýi óńirlik emes músheler Bolıvııa, Chılı, Grekııa men Rýmynııa bolyp otyr.

Atalǵan 7 el AIIB qatysty barlyq qajetti ishki protsedýralardy aıaqtaǵannan soń jáne bankke alǵashqy jarnalaryn engizgennen keıin resmı múshelikke ótedi.

Aıta keterligi, AIIB resmı jumys bastaǵaly beri aǵymdaǵy jyldyń naýryz aıynda alǵash ret ózine jańa 13 músheni qabyldaǵan bolatyn. Osylaısha, banktiń músheler sany 57 elden 70-ke artqan edi. Sonymen qatar, AIIB aldaǵy ýaqytta da jańa qatysýshylardy qabyldaýǵa ashyq ekenin málimdeıdi.

Osylaısha Azııa Infraqurylymdyq Investıtsııalar Banki (Asian Infrastructure Investment Bank) quramyna 77 el kirip otyr. 2015 jyldyń 29 mamyrynda Bankti ashý týraly kelisimge qol qoıylǵan bolatyn. Bank ınfraqurylymdyq jobalardy qarjylandyrý úshin qurylǵan. Onyń jarǵylyq kapıtaly 100 mıllıard dollardy quraıdy.

Qazaqstan AIIB quryltaıshylarynyń biri bolyp, bankti qurýǵa belsendi qatysty. AIIB qurý Azııadaǵy ınfraqurylymdyq jobalarǵa qosymsha ınvestıtsııalar tartýǵa, onyń ishinde Qazaqstanda Dúnıejúzilik bank, Eýropalyq Qaıta Qurý jáne Damý Banki, Azııa Damý Banki sııaqty kópjaqty bankterdiń qyzmetin tolyqtyrady.