«Azııa Infraqurylymdyq Investıtsııalar Banki Kelisiminiń Baptaryn ratıfıkatsııalaý týraly» zań jobasy qaraldy
ASTANA. QazAqparat - Parlament Senaty Qarjy jáne bıýdjet komıtetiniń keńeıtilgen otyrysynda «Azııa Infraqurylymdyq Investıtsııalar Banki Kelisiminiń Baptaryn ratıfıkatsııalaý týraly» zań jobasy qaraldy.
Azııa Infraqurylymdyq Investıtsııalar Banki (AIIB) qyzmetiniń negizgi baǵyty ınfraqurylymǵa jáne basqa da óndiristik sektorlarǵa ınvestıtsııalar salý jolymen Azııadaǵy ekonomıkalyq damýǵa, ál-aýqatty jasaýǵa jáne ınfraqurylymnyń ózara is-qımylyn jaqsartýǵa járdemdesý bolyp tabylady.
2015 jylǵy 29 maýsymda Beıjińde qol qoıylǵan.
Kelisimge sáıkes, Qazaqstan AIIB-diń quryltaıshy memleketter qataryna enedi. Qazaqstannyń AIIB kapıtalyndaǵy jalpy úlesi 729,3 mıllıon AQSh dollaryn nemese 0,7293 paıyzdy quraıdy. Bul kórsetkishter boıynsha bizdiń elimiz 37 óńirlik músheler arasynda 17-shi oryndy ıelenedi.
2016-2018 jyldarǵa arnalǵan respýblıkalyq bıýdjetti qalyptastyrý jónindegi Respýblıkalyq bıýdjet komıssııasynyń 2015 jylǵy 8 tamyzdaǵy otyrysynda múshelik jarnalardy tóleýge qajetti qarajattyń jyl saıynǵy somasy 5 396,45 mln. teńge bolyp maquldandy.
Qujatty ratıfıkatsııalaý ınfraqurylymdyq jobalardy iske asyrýǵa Qazaqstanǵa uzaq merzimdi nesıelik resýrstardy ákelýge múmkindik beredi.
Zań jobasy Palatanyń qaraýyna jiberildi.
