Azııa federatsııasy prezıdentiniń kýbogy: Qazaqstandyqtar úzdik úshtikke endi
TEGERAN. QazAqparat - Taekvondodan Qazaqstannyń áıelder quramasy Azııa federatsııasy prezıdentiniń kýbogynda jalpykomandalyq esepte úzdik úshtikten kórindi, dep habarlaıdy QazAqparat Ulttyq olımpıada komıtetine silteme jasap.
Sáýle Sardarova shákirtteriniń enshisinde bir altyn medal bar. Esterińizde bolsa, jarystyń alǵashqy kúninde Jansel Denız (73 keli) fınalda ıordanııalyq sportshydan basym túsip, jeńimpaz atandy.
Osylaısha Denız Ońtústik Koreıada ótetin Azııa chempıonatyna jeke joldama jeńip aldy.
Búgin, 12 naýryzda, daıangqa Qazaqstannyń erler quramasy shyǵady.
