Azııa elderi qarý satyp alýdan álem boıynsha alda keledi
ASTANA. 21 naýryz. QazAqparat - Azııa álemniń basqa qurlyqtaryn qarý satyp alý jaǵynan shań qaptyryp keledi. Bul derekterdi álemdik problemalardy zertteıtin Stokgolm ınstıtýtynyń málimetterine silteme jasaı otyryp, RBK saıty jarııalady.
Jalpy alǵanda, álemde satyp alynatyn barlyq qarý-jaraqtyń 44 paıyzy Azııa elderine tıesili eken. Eýropa elderiniń úlesi 17 paıyz, Soltústik jáne Ońtústik Amerıka 11 paıyz, al Afrıka 9 paıyz.
Burnaǵy jyldardaǵydaı, bıyl da qarý-jaraq ımporttaýdan aldyna jan salmaı kele jatqan - Úndistan. Odan keıin Ońtústik Koreıa, Pákistan, Qytaı jáne Sıngapýr.
Úndistan tek sońǵy 4 jylda Sý-30 ushaqtarynyń 30-yn, reseılik MıG-29 ushaǵynyń 16-syn, brıtandyq Jaguar ushqyr áskerı ushaqtarynyń 20 danasyn satyp alýǵa shart jasasqan eken, deıdi ınstıtýt zertteýshileri.
