Azııa damý banki Mańǵystaý oblysyndaǵy jol ýchaskelerin jańǵyrtýǵa 800 mln dollar bóledi
ASTANA. 12 jeltoqsan. QazAqparat - Búgin Parlament Senatynyń jalpy otyrysynda palata depýtattary «Qazaqstan Respýblıkasy men Azııa Damý Banki arasyndaǵy Qaryz týraly kelisimdi (Jaı operatsııalar) (OAÓEY 2 Dáliz ınvestıtsııalyq baǵdarlamasy (Mańǵystaý oblysyndaǵy ýchaskeler) -2 joba) ratıfıkatsııalaý týraly» QR zańy qabyldandy.
Qazaqstan men Azııa damý banki arasynda Mańǵystaý oblysyndaǵy ýchaskelerdi qaıta jańǵyrtýdy qarjylandyrýǵa 800 mln. dollar somasynda jalpy kelisim jasalǵan bolatyn. «Jalpy kelisimniń sheńberinde 2012 jyly 283 mln. dollar somasynda kelisimge qol qoıylǵan. Birinshi transh boıynsha uzyndyǵy 200 shaqyrym Beıneý-Shetpe jolyn qarjylandyrý kózdeledi», - deıdi Kólik jáne komýnıkatsııa mınıstri Asqar Jumaǵalıev. Onyń aıtýynsha, atalǵan ýchaskede qurylys jumystary 2012 jyldan beri júrgizilip keledi.
«Búgingi kelisim Shetpe-Atyraý ýchaskesin qarjylandyrýǵa qatysty bolyp tabylady. Bul rette ýchaskeniń uzyndyǵy 170 shaqyrymdy quraıdy. Jol tórt ýchaskege bólingen, onyń eki ýchaskesi eki jolaqty jáne asfalt-beton tósemelerimen, 2-shi tehnıkalyq sanatqa jatady. Qalǵan ekeýi 4 jolaqty birinshi sanatqa jatady», deıdi mınıstr.
Joba 2014-2016 jyldar aralyǵynda iske asady.
