Azııa damý banki Qazaqstanǵa COVID-19 indetimen kúreske kómek bermek
NUR-SULTAN. QazAqparat - Búgin QR Ulttyq ekonomıka mınıstri Rýslan Dálenov konferents baılanys arqyly Azııa damý banki prezıdenti Asakava Masatsýgomen kelissóz júrgizdi, dep habarlaıdy QazAqparat tilshisi.
Atalǵan vedomstvo baspasóz qyzmetiniń málimetinshe, elimizdiń Ulttyq bank ókilderi de qatysqan kelissóz barysynda Azııa damý bankiniń Qazaqstanǵa koronovırýspen (COVID-19) kúreske ókpeni jasandy jeldetý apparatyn, qorǵaný maskalaryn jetkizý boıynsha qaıtarymsyz tehnıkalyq kómek kórsetý máselesi qarastyrylǵan.
«Qazirgi ýaqytta Azııa damý banki jumyspen qamtý, basym salalardaǵy jumys kúshin qaıta oqytýdy qoldaý, sondaı-aq elimizdiń shıkizatqa táýeldiligin azaıtý jáne aýyl sharýashylyǵy, aqparattyq tehnologııa men elektrondyq saýda salalaryn ilgeriletý maqsatynda ekonomıkany ártaraptandyrýǵa múmkindik beretin qoldaý jasaý kórsetýdi kózdep otyr»,- dedi mınıstrlikten.
