Azııa damý banki Qazaqstan ekonomıkasynyń ósimine boljam jasady
ADB-nyń negizgi ekonomıkalyq basylymy «Azııa damýynyń sholýyna» sáıkes, Qazaqstannyń jalpy ishki ónimi 2018 jylǵy 4,1 paızydan 2019 jyly 3,5, al 2020 jyly 3,3 paıyzǵa deıin tómendeıdi. Inflıatsııanyń ortasha kórsetkishi osy boljam boıynsha 6 paıyz shamasyn saqtap qalmaq. Ulttyq banktiń bıylǵy jylǵa jasaǵan saraptamasynda onyń 2020 jyly 5,5 paıyzǵa deıin tómendeýi kútilgen. Boljam boıynsha, azyq-túlik baǵasynyń ósimi 2019 jylǵy 5,2 paıyzdan 2020 jyly 5 paıyzǵa deıin báseńdeıdi. Bul otandyq ónimdi qoldaý, negizgi azyq-túlik pen baǵa saıasatyn jekeleı baqylaý syndy mindetterdi oryndaý úshin arnalǵan mekemelerdi turaqtandyrý qorynyń sharttaryna sáıkes qadamdar bolmaq.
«Turaqty ekonomıkalyq ósimdi qamtamasyz etý jáne jeke sektordy damytýǵa járdemdesý úshin bank júeısiniń saý bolýy da óte mańyzdy» - dedi Azııa damý bankiniń Qazaqstandaǵy ókildiginiń dırektory Djovannı Kapannellı.
Basylymdaǵy derekterge qaraǵanda, ónerkásiptik ósim 2019 jyly 4,3, al 2020 jyly 4,4 paıyzdy quraýy tıis. Sebebi óńdeý ónerkásibi men turǵyn úı-kommýnaldyq sharýashylyq salasynda memlekettik ınvestıtsııalardyń kólemi munaı óndirisiniń baıaý ósýin birshama baıqatpaı, orynyn toltyryp turýy qajet.
Qazaqstan Ortalyq Azııa elderi ishinde 1994 jyldan beri ADB-niń alǵash múshesi bolǵan memleket. Áriptestik qurǵan 25 jyl ishinde bankten 5 mlrd AQSh dollarǵa táýelsiz qaryz alynyp, aýyl sharýashylyǵyna nesıe berilgen. Sondaı-aq, 50 mln AQSh dollary transport, agro sektor, sýmen qamtý, bilim jáne densaýlyq, qarjylyq basqarý, memlekettiń ózge de baǵyttaryna kepildendirilgen tehnıkalyq kómek retinde kórsetilgen.