Azııa damý banki Tájikstan jobalaryna 1,1 mıllıard dollar bóledi
ASTANA. KAZINFORM – Tájikstan prezıdenti Emomalı Rahmon men Azııa damý bankiniń tóraǵasy Masato Kanda strategııalyq seriktestikti odan ári nyǵaıtý perspektıvalaryn talqylady, dep habarlaıdy Kazinform agenttiginiń Dýshanbedegi menshikti tilshisi.
Emomalı Rahmon qazirgi yntymaqtastyq deńgeıin jáne Banktiń Tájikstannyń áleýmettik-ekonomıkalyq damý maqsattaryna jetýge qosqan úlesin joǵary baǵalady. Yntymaqtastyq jyldarynda jalpy quny 2,9 mıllıard dollar bolatyn 200-den astam joba júzege asyrylǵany sóz boldy.
– Ótken aptada bekitilgen 2026-2030 jyldarǵa arnalǵan jańa Eldik seriktestik strategııasyna erekshe nazar aýdaryldy. Ony júzege asyrýdy jeńildetý úshin ADB Tájikstan ekonomıkasynyń negizgi salalaryn qoldaýǵa shamamen 1,1 mıllıard dollar bólýdi josparlap otyr, - dedi Masato Kanda kezdesýden keıin ótken brıfıngide.
Ol jańa strategııaǵa sáıkes bank turaqty ósim men halyqtyń ál-aýqaty múddesinde dınamıkalyq kásipkerlik ortany damytýdy, ınnovatsııalardy yntalandyrýdy jáne jańa jumys oryndaryn qurýdy qoldaýdy jalǵastyratynyn atap ótti.
Eske salsaq, osyǵan deıin Tájikstan halqynyń demografııalyq ósimi 2 paıyzǵa jetkenin habarlaǵanbyz.
