Azııa damý banki: 2026 jyly Qazaqstannyń JІÓ-i 4,8%-ǵa ósedi
ASTANA. KAZINFORM – Boljam boıynsha, bul kórsetkish 2027 jyly 4,5%-ǵa joǵarylamaq. Mundaı joramaldar ADB-nyń Azııa damýyna baılanysty sholýynda qamtyldy.
Bank byltyrǵa qatysty málimetti de jarııalady. 2025 jyly elimizdiń JІÓ-i 6,5%-ǵa ósip, al ınflıatsııa 11,4% deńgeıinde bolǵan.
– Qatań aqsha-nesıe saıasatynyń saqtalýy, salyq qysymynyń álsireýi ınflıatsııanyń turaqtalýyna oń áserin tıgizedi. Joramal boıynsha, ınflıatsııa 2025 jylǵy 11,4%-dan 2026 jyly 10,4%-ǵa, al 2027 jyly 9,5%-ǵa deıin birtindep tómendeıdi, – dep jazylǵan sholýda.
Sondaı-aq, bıýdjet tapshylyǵy kórsetkishi azaıady dep boljanady. Oǵan salyq reformasy oń yqpal etpek. Mólsherlemeniń ósýi nátıjesinde QQS túsimderi de artady. Sonyń arqasynda 2026 jyly bıýdjet tapshylyǵy JІÓ-niń 2,7%-ynan 2,5%-yna deıin qysqarýy múmkin. Joramal boıynsha, bıýdjettiń munaı salasynan tys tapshylyǵy da JІÓ-niń 7,1%-ynan 4,9%-yna deıin tómendeıdi. Buǵan Ulttyq qordan beriletin transfertter kóleminiń azaıýy áser etedi.
Aıta keteıik buǵan deıin Úkimet pen Azııa damý banki $5,5 mlrd-qa 15 jańa jobany júzege asyratynyn jazǵanbyz.
