Azııa chempıony atanǵan boksshy qyzdar qazaqstandyqtarǵa alǵys aıtty

ASTANA. QazAqparat – Bokstan 22 jasqa deıingi sportshylar arasynda Azııa chempıony atanǵan Jasmın Qızatova men Gúlsaıa Erjan óz jeńisterine qatysty pikir bildirdi, dep habarlaıdy QazAqparat tilshisi.

Qurlyqtyq doda Taıland astanasy Bangkok qalasynda ótip jatyr. Onda el quramasynan 70 keli salmaqtaǵy Jasmın Qızatova men 81 keli sanatyndaǵy Gúlsaıa Erjan chempıondyq tuǵyrǵa kóterildi.

J.Qızatova fınalda ózbekstandyq Azıza Zokırovadan basym tústi. Al G.Erjan taılandtyq Pýrnnıpa Chýtıdi jeńdi.

«Jeńisimdi Qazaqstanǵa arnaımyn. Qazaqstandyqtardyń qoldaýyna úlken raqmet aıtamyn», - dedi Jasmın Qızatova.

«Barlyq qarsylasymnyń daıyndyǵy joǵary boldy. Fınalda taıland boksshysymen kezdestim, jekpe-jek óte qıyn boldy. Barlyq qazaqstandyq jankúıerlerge rızashylyǵymdy bildiremin», - dedi Gúlsaıa Erjan.

Aıta keteıik, jartylaı fınalǵa barlyǵy 9 qazaqstandyq boksshy shyqqan edi. Olardyń qatarynan Móldir Toıkova (50 keli), Ánel Saqysh (54 keli), Vıktorııa Grafeeva (57 keli), Shahnaz Isaeva (60 keli), Nazerke Serik (63 keli), Aqnar Işanova (66 keli), Dana Dıdaı (75 keli) qola júldeni mise tutty.

Qazaqstannyń erler quramasy fınaldyq kezdesýin 26 qańtar kúni ótkizedi. Azııa chempıony ataǵy úshin barlyǵy 6 boksshymyz talasady.

Posmotret etý pýblıkatsııý v Instagram

Pýblıkatsııa ot Asian Boxing Confederation (@asbc_official)

Posmotret etý pýblıkatsııý v Instagram

Pýblıkatsııa ot Asian Boxing Confederation (@asbc_official)