Azııa chempıondary Qaıpanov pen Qaısanov Italııadaǵy halyqaralyq týrnırde baq synaıdy
NUR-SULTAN. QazAqparat - Erkin kúresten Azııa chempıondary Nurqoja Qaıpanov pen Danııar Qaısanov Italııada 22-26 mamyrda ótetin halyqaralyq týrnırge qatysady, dep habarlaıdy QazAqparat tilshisi.
Ulttyq olımpıada komıteti málim etkenindeı, erkin kúresten QR quramasynyń bas bapkeri Áset Serikbaev atalmysh reıtıngilik týrnırde baq synaıtyn balýandardyń esimin jarııa etti.
Atap aıtqanda, 61 kg salmaqta Jandos Ismaılov pen Rasýl Qalıev synǵa túsedi.
Sondaı-aq el namysyn Saıatbek Oqasov (65 kg), Nurqoja Qaıpanov (70 kg), Danııar Qaısanov (74 kg), Shamıl Murtazov pen Ǵalymjan Ótembaev (79 kg), Azamat Dáýletbekov (86 kg), Nurǵalı Nurǵaıypuly (92 kg) jáne Baqdáýlet Álmentaı (97 kg) qorǵaıdy.
Eske sala keteıik, budan buryn erkin kúres sheberi Nurqoja Qaıpanovtyń, sodan keıin taǵy bir qazaqstandyq balýan Danııar Qaısanovtyń Azııa chempıony atanǵanyn jazǵan bolatynbyz.
