Azııa chempıonatynyń alǵashqy kúninde Qazaqstan balýany E. Qońyratov chempıon atandy

«Alaman» ulttyq sport portalynyń málimetinshe, keshegi kúni aqtyq synǵa shyqqan jalǵyz Qazaqstan balýany Erbol Qońyratov (60 kg) óz jankúıerleriniń úmitin aqtady. Sheshýshi beldesýde ol japondyq Kazýma Kýramotodan basym tústi. Alǵashqy kezeńde 0:1 esebimen ese jibergen Qońyratov, qalǵan eki kezeńde baryn salyp kúresti. Nátıjesinde, ol óziniń tájirıbesi men talantynyń áldeqaıda kóp ekenin dáleldedi. Osylaısha, tabloda qos kezeńde Qońyratovtyń paıdasyna 4:0 jáne 6:0 esebi tirkeldi.

Al oǵan deıin E. Qońyratov ózbekstandyq Sanjarbek Jumashevty 3:0, 1:0 esebimen utty. Keıin Qyrǵyzstan sportshysy Azat Qoıshuǵylovtan basym tústi (0:1, 3:0, 4:0). Jartylaı fınalda qytaılyq Lıng Many 0:4, 2:0, 1:0 nátıjesimen qapy qaldyrdy.

Eń jeńil salmaqta Artýr Úmbetqalıev alǵashqy aınalymda-aq ırandyq Mohsen Hýseın Hadjı Pýrǵa utyldy.

66 kelide Eldar Qaıratov túrkmendik ıAzgeldı Qadyrovty (1:0, 1:0), fılıppındyq Djandog Roveldy (6:0, 7:0) utty. E. Qaıratov fınalǵa bir qadam qalǵanda súrindi. Ol qytaılyq Pan Djengke (0:1, 0:1) ese jiberip,  qola úshin ótken beldesýde qyrǵyzstandyq Rýslan Tsarevty utty.

74 kelide Áset Ádilov qyrǵyzstandyq Temirlan Taırov (1:0, 4:0), ózbekstandyq Vsevolod Mıhaılovskıı (2:0, 3:0) syndy balýandardy jyqty. Ókinishke qaraı, jartylaı fınalda japondyq Takehıro Kanakýboǵa 1:3, 1:2 nátıjesimen utyldy. Kishi fınalda Á. Ádilov Irak balýany Taha Dahır Al Dalıhı jeńdi.

Budan buryn habarlanǵandaı, 16 aqpan kúni Koreıanyń Gýam qalasynda kúres túrlerinen Azııa chempıonaty bastaldy.