Azııa chempıonatynda jeńilissiz kele jatqan qazaqstandyq voleıbolshy qyzdardy japondyqtar súrindirdi
ALMATY. 18 qyrkúıek. QazAqparat - Voleıboldan Taıland elindegi Nakhonratchasımada ótip jatqan áıelder arasyndaǵy HVII Azııa chempıonatynda Aleksandr Gýtor jattyqtyratyn Qazaqstan quramasy jeńilistiń aşy dámin tatty.
Toptyq synda qarsylasqa des bermegen olar 1/8 fınaldaǵy ekinshi oıynda ótken jylǵy qurlyqtyń birinshiliktiń kúmis júldegeri sanalatyn Japonııa sportshylaryna 1:3 esebimen ese jiberdi. Al alǵashqy oıynda qazaqstandyqtarǵa 0:3 esebimen oısyrata utylǵan vetnamdyqtar jarys qojaıyndarynan da dál osyndaı eseppen jeńilis tapty. 21 qyrkúıekke deıin sozylatyn bul baıraqty básekede endi shırek fınaldyq oıyndar bastalady. Onda qazaqstandyqtardyń qarsylasy Qytaı, Ońtústik Koreıa, Iran jáne Taıbeı quramalarynyń biri bolmaq.
