Azııa chempıonatynda Jazıra Oraqbaeva jartylaı fınalǵa joldama aldy

ASTANA. QazAqparat – Iordanııanyń Amman qalasynda ótip jatqan Azııa chempıonatynda qazaqstandyq Jazıra Oraqbaeva jartylaı fınalǵa joldama aldy, dep habarlaıdy QazAqparat tilshisi.

Jastar arasynda álem chempıonatynyń kúmis júldegeri J. Oraqbaeva 52 kelige deıingi salmaqta ońtústikkoreıalyq Kım Chae Vonmen judyryqtasty. Qazaqstandyq boksshy úsh raýnd boıy jaqsy óner kórsetti. Sóıtip, tóreshiler sheshimimen jeńiske jetti. Bul – Jazıra keminde qola júldege ıe bolady degen sóz.

Qazaqstandyqtardan búgin Jaına Shekerbekova, Karına Ibragımova (57 kg), Aıda Ábikeeva (63 kg), Darıǵa Shákimova (70 kg), Valentına Halzova qarsylastarymen qolǵap túıistiredi.

Sondaı-aq, keshki sessııada álem chempıony, Tokıo olımpıadasynyń qola júldegeri Sáken Bıbosynov rıngke shyǵady. Onyń qarsylasy – malaızııalyq Gaııým Arıffın.

Eske sala keteıik, budan buryn Nazym Qyzaıbaıdyń Azııa chempıonatynyń ¼ fınalyna ótkenin jazǵan bolatynbyz.

Sondaı-aq, bokstan Azııa chempıonatynda Dýlat Bekbaýov shırek fınalǵa joldama aldy. Aslanbek Shymbergenov qarsylasyn nokaýtpen jeńdi. 19 jastaǵy Sanjar Táshkenbaı ózbekstandyq boksshyny utty.

Jalpy, búgin qazaqstandyq 6 boksshynyń baq synaıtyny habarlandy.

Ashyq kózderden alynǵan foto