Azııa chempıonatynda Serik Temirjanov taǵy bir júlde aldy

ASTANA. QazAqparat – Iordanııanyń Amman qalasynda bokstan ótip jatqan Azııa chempıonatynda Serik Temirjanov jartylaı fınalǵa shyqty, dep habarlaıdy QazAqparat tilshisi.

Álem chempıonatynyń kúmis júldegeri S. Temirjanov 57 kelige deıingi salmaqta ıordanııalyq ıÝsef Iashıshpen sheberlik baıqasty.

Sharshy alańnyń ıesi alǵa umtylǵanymen, Serik jaqsy kútip alyp, dál soqqylarmen toıtara bildi. Ekinshi raýndta ıordanııalyq boksshyǵa eskertý de jasaldy. Tóreshiler pikiri bir jerden shyqty – 5:0, S. Temirjanovtyń paıdasynda.

Osylaısha, Serik Temirjanov taǵy bir júldege qol jetkizdi. Bul – Qazaqstan úshin onynshy medal.

Eske sala keteıik, budan buryn Azııa chempıonatynda Jazıra Oraqbaeva men Jaına Shekerbekovanyń jartylaı fınalǵa joldama alǵanyn jazǵan bolatynbyz. Karına Ibragımova júldegerler qataryna qosyldy.

Sondaı-aq, Sáken Bıbosynov Azııa chempıonatynyń jartylaı fınalyna shyqty. Ol fınalǵa shyǵý úshin ózi sııaqty álem chempıony, japonııalyq Tomoıa Tsýboımen talasady.

Bokstan Azııa chempıonatynda Qazaqstan qorjynyna segizinshi medal túskenin de habarlaǵan edik.

Azııa chempıonatynda qazaqstandyq jeti boksshy medal úshin synǵa túsetini habarlandy.

Sonyń biri Mahmýd Sabyrhan medal jeńip aldy.