Azııa chempıonatynda Mahmýd Sabyrhan taǵy bir medalge qol jetkizdi

ASTANA. QazAqparat – Iordanııanyń Amman qalasynda bokstan ótip jatqan Azııa chempıonatynyń altynshy kúnin Mahmýd Sabyrhan sátti bastady, dep habarlaıdy QazAqparat tilshisi.

Ótken jylǵy álem birinshiliginiń kúmis júldegeri, jastar arasynda úsh dúrkin Azııa chempıony Mahmýd Sabyrhan 54 kelige deıingi salmaqta mońǵolııalyq Dornyambýý Ganboldpen judyryqtasty.

Qazaqstandyq boksshy úsh raýnd boıy saýatty óner kórsetip, qarsylasyna soqqyny kóbirek darytyp, sheberliginiń basym ekendigin aıqyn tanyta bildi. Tóreshiler bir aýyzdan jeńisti Mahmýd Sabyrhanǵa berdi – 5:0.

Osylaısha, M. Sabyrhan jartylaı fınalǵa ótti. Bul – keminde qola medal qorjynda degen sóz.

Buǵan deıin habarlaǵanymyzdaı, Azııa chempıonatynda qazaqstandyq jeti boksshy medal úshin synǵa túsedi. Demek, búgin taǵy alty boksshy rıngke shyǵady.

Eske sala keteıik, budan buryn Azııa chempıonatynda Jazıra Oraqbaeva men Jaına Shekerbekovanyń jartylaı fınalǵa joldama alǵanyn jazǵan bolatynbyz. Karına Ibragımova júldegerler qataryna qosyldy.

Sondaı-aq, Sáken Bıbosynov Azııa chempıonatynyń jartylaı fınalyna shyqty. Ol fınalǵa shyǵý úshin ózi sııaqty álem chempıony, japonııalyq Tomoıa Tsýboımen talasady.

Bokstan Azııa chempıonatynda Qazaqstan qorjynyna segizinshi medal túskenin de habarlaǵan edik.

Foto: olympic.kz