Azııa chempıonatynda Qazaqstannyń 10 boksshysy jartylaı fınalǵa shyqty
PAVLODAR. QazAqparat - Qazaqstannyń 10 boksshysy jartylaı fınalǵa shyqty. Osy kúnderi Pavlodar qalasynda ótip jatqan jastar arasyndaǵy bokstan Azııa chempıonatynda elimizdiń jas sportshylary sátti óner kórsetýde.
4-5 mamyr kúnderi shırek fınaldyq kezdesýler ótti. Qazaqstannyń bylǵary qolǵap sheberleri qarsylastarynan aıqyn basymdyq tanytty. Birqatar kezdesýlerde bizdiń jas boksshylarymyzdyń aýyr soqqylary qarsylastaryn nokdaýnǵa jibergenine de kýá boldyq.
Erteń, juma kúni, jarys kúndeligine sáıkes demalys jarııalanyp otyr. Al 7 mamyr, senbi kúni jastar arasyndaǵy bokstan Azııa chempıonatynyń jartylaı fınaldyq kezdesýleri ótedi. Al 8 mamyr, jeksenbi kúni Sary qurlyq básekesiniń jeńimpazdary men kúmis júldegerleri anyqtalady.
«Qazsport» telearnasy osy jarysty alǵashqy kúnnen bastap tikeleı efırde kórsetip keledi. Senbi, jeksenbi kúnderi de sport jankúıerleri tikeleı efırde kórý múmkindigine ıe bolmaq. Jarystyń tolyq kórsetilýi óskeleń urpaqtyń deni saý bolyp ósýine, sportpen shuǵyldanýdyń paıdaly ekendigin uǵyna túsýine yqpal etetini sózsiz.
