Azııa chempıonatynda qazaqstandyqtar 9-oryn úshin Katar voleıbolshylarymen kezdesedi
ALMATY. 28 qyrkúıek.QazAqparat /Erlik Erjanuly/ - Voleıboldan Tegeranda ótip jatqan erler komandalary arasyndaǵy XVI Azııa chempıonatynda búgin Qazaqstan komandasy 9-oryn úshin Katar quramasymen ekinshi ret kezdesedi.
Jerlesterimiz keshe katarlyqtardy 3:2 (20-25, 25-18, 25-15, 23-25, 15-7) esebimen utqan bolatyn. Alǵashqy kezeńde óz tobynda 3-oryndy qanaǵat tutqan olar ekinshi kezeńde Aýǵanstan , Taıpeı quramasyn 3:0 etip jeńgen edi. Al júldeli oryndardy Qytaı, Avstralııa, Iran jáne Ońtústik Koreıa quramalary ózara sarapqa salmaq. Japonııa, Shrı-Lanka, Pákistan, Úndistan voleıbolshylary bolsa 5-8 orynǵa talasady.
