Azııa chempıonatynda qazaqstandyq jasóspirim basketbolshylar búgin Saýd Arabııasy quramasynan basym tústi
ALMATY. Qarashanyń 24-i. QazAqparat /Erlik Erjanuly/ - Basketboldan Malaızııanyń Djohor-Bahrý qalasynda 16 jasqa deıingi jasóspirimder arasynda ótip jatqan Azııa chempıonatynda qazaqstandyqtar búgin Saýd Arabııasy quramasynan 64:38 esebimen basym tústi,
dep habarlaıdy QazAqparat.
Borıs Borısovtyń shákirtteri irikteý kezeńinde V tobynda 3-shi oryn aldy. Olar Bahreın quramasyn (63:54) utyp, fılıppındik qurdastaryna 50:76, al japondyq qurdastaryna 66:78 esebimen ese jibergen bolatyn. Shırek fınalda qazaqstandyqtar 4-shi topqa tústi. Onda S tobynda 4-shi oryn alǵan Kýáıt basketbolshylarymen bolǵan alǵashqy oıynda 63:66 esebimen ese jibergen qazaqstandyqtar kelesi 2 oıynda basym tústi. Olar D tobynda 3-shi oryn alǵan Malaızııa sportshylaryn 75:59, al A tobynda 4-shi oryndaǵy Saýd Arabııasyn 64:38 esebimen oısyrata utty. Qarashanyń 19-y kúni jalaýy kóterilgen bul chempıonattyń aqtyq oıyndary qarashanyń 26-27 kúnderi ótedi.
