Azııa chempıonatynda qazaqstandyq samboshylar 50-den astam medal ıelendi
ASTANA. QazAqparat - Mońǵolııanyń Ulan-Batyr qalasynda ótken sambodan Azııa chempıonatynda qazaqstandyq sportshylar 22 altyn, 16 kúmis jáne 13 qola medal jeńip aldy, dep habarlaıdy QazAqparat tilshisi.
«Shtattyq ulttyq komandalar jáne sporttyq rezerv dırektsııasy» RMKK baspasóz qyzmetiniń málimetinshe, jalpy 51 medal ıelengen Qazaqstan quramasy týrnır kestesinde 1 orynǵa jaıǵasty. Jeńip alǵan medaldar sany boıynsha ekinshi orynda - Mońǵolııa quramasy tur. Týrnır ıeleri Qazaqstanǵa altyn medal sany boıynsha ese jiberdi. Úshinshi orynda - túrkimendik samboshylar.
Esterińizge sala ketsek, mamyrdyń 11-14 aralyǵynda Mońǵolııanyń Ulan-Bator qalasynda sambodan eresekter, jasóspirimder men jastar arasynda Azııa chempıonaty ótti. Qazaqstan namysyn ulttyq quramanyń 65 múshesi qorǵady. Týrnır mońǵol sambosynyń qurylýyna 50 jyl tolýyna arnaldy. Azııa chempıonaty osy jylǵy 29 tamyz ben 1 qyrkúıek aralyǵynda Indonezııa astanasy Djakartada ótetin Azııa oıyndaryna daıyndyq sanalady.
