Azııa chempıonatynda qazaqstandyq Karına Gorıcheva sońǵy oryndy ıelendi
ASTANA. 23 maýsym. QazAqparat - Ózderińizge belgili bolǵandaı, qazir Astanada aýyr atletıkadan Azııa chempıonaty ótip jatyr.
63 kelige deıingi áıelder arasyndaǵy báseke aıaqtaldy. Atalǵan salmaq sanatynda qazaqstandyqtar Karına Gorıchevaǵa barynsha qoldaý kórsetti, dep habarlady Sports.kz.
Alǵashqy jattyǵýda jerlesimiz úsh ret talaptanyp, úsheýi de oıdaǵydaı shyqty. Jalpy 104 keli jınap, ekinshi oryndy basty.
Osy nátıjege qarap, qazaqstandyqtar Gorıchevadan úlken úmit kútken edi. Biraq julqı kóterýden keıin jankúıerlerdiń qýanyshy sý sepkendeı basyldy. Otandasymyzdyń bir de bir talpynysy jemisin bermedi. Sóıtip ol Azııa chempıonatyn aıaqtady.
Bul dodada birinshi oryndy Taıbedan kelgen Lın Zý Chı ıelendi. Al kúmis medal Soltústik Koreıanyń sportshysy Cho Pok Hýangtyń enshisine tıdi. Qola júlde Qytaıdan kelgen Vý Lııangqa buıyrdy.
