Azııa chempıonatynda qazaqstandyq aýyr atletter el qorjynyn taǵy da eki qola medalmen tolyqtyrdy
TAShKENT. Sáýirdiń 14-i. QazAqparat /Qurmat Samarhan/ - Qazaqstan sportshylary Tashkentte ótip jatqan jasóspirimder jáne jastar arasyndaǵy aýyr atletıkadan Azııa chempıonatynda taǵy eki qola medal aldy.
Atap aıtqanda, 58 keli salmaqta óner kórsetken Faına Sıvanbaeva julqı kóterýde 81, al serpe kóterýde 90 kelini baǵyndyrsa, 77 kelidegi elimizdiń taǵy bir sportshysy Ivan Ermılov birinshi árekette 141, keleside 165 kelini kóterip, qola medaldi ıelendi.
Sonymen qatar, búgin qazaqstandyq taǵy bir sportshy Rıma Savchenko (75 keli) jarysqa qosylady.
Qazirgi ýaqytta elimizdiń aýyr atletıkadan jastar quramasynyń qorjynynda 2 kúmis, 1 qola medal bar.
