Azııa chempıonatynda Karına Ibragımova júldegerler qataryna qosyldy

ASTANA. QazAqparat – Iordanııanyń Amman qalasynda bokstan ótip jatqan Azııa chempıonatynda Karına Ibragımova jartylaı fınalǵa shyqty, dep habarlaıdy QazAqparat tilshisi.

Álem chempıonatynyń qola júldegeri Karına Ibragımova 57 kelige deıingi salmaqta alǵashqy jekpe-jegin ońtústikkoreıalyq Im Ae Djımen ótkizdi. Boıy men qolynyń uzyndyǵyn paıdalanǵan Karına soqqylaryn kóbirek daryta bildi. Al, koreıalyq boksshy úshinshi raýndta qaýipti qımyl jasaǵany úshin eskertý alyp tyndy. Tóreshiler esebi – 5:0, K. Ibragımovanyń paıdasynda.

Osylaısha, Karına áıelder arasynda júldegerler qataryna qosylǵan altynshy boksshy atandy.

Búgin keshki sessııada Qazaqstannan álem chempıondary Sáken Bıbosynov, Valentına Halzova, Rıo olımpıadasynyń qola júldegeri Darıǵa Shákimova jáne Aıda Ábikeeva rıngke shyǵady.

Eske sala keteıik, budan buryn Nazym Qyzaıbaıdyń Azııa chempıonatynyń ¼ fınalyna ótkenin jazǵan bolatynbyz.

Sondaı-aq, bokstan Azııa chempıonatynda Dýlat Bekbaýov shırek fınalǵa joldama aldy. Aslanbek Shymbergenov qarsylasyn nokaýtpen jeńdi. 19 jastaǵy Sanjar Táshkenbaı ózbekstandyq boksshyny utty.

Jalpy, búgin qazaqstandyq 6 boksshynyń baq synaıtyny habarlandy.

Chempıonatta óner kórsetken Jazıra Oraqbaeva jartylaı fınalǵa joldama aldy. Jaına Shekerbekova da Azııa chempıonatynyń jartylaı fınalyna ótti.

Sýret prosports.kz saıtynan alyndy.