Azııa chempıonatynda grek-rım kúresinen qazaqstandyqtar kósh bastady
NUR-SULTAN. QazAqparat - Mońǵolııa astanasy Ulan-Batorda ótip jatqan Azııa chempıonatynda grek-rım kúresinen el quramasy jalpy komandalyq esepte kósh bastady, dep habarlaıdy QazAqparat tilshisi.
Qurlyqtyq dodada qazaqstandyq balýandar 2 altyn, 5 kúmis jáne 2 qola medal aldy.
El quramasynan Álimhan Syzdyqov (130 keli) men Meıirjan Shermahambet (67 keli) jeńimpaz tuǵyryna kóterildi.
Al, Amanǵalı Bekbolatov (55 keli), Meırambek Aınaǵulov (63 keli) pen Maqsat Erejepov (77 keli), Abylaıhan Ámzeev (72 keli) jáne Dıas Qalen (82 keli) kúmis júldeger atandy.
Nursultan Tursynov (87 keli) pen Ernur Fıdahmetov (60 keli) jubanysh fınalynda qarsylasyn jeńip, qola júldeger atandy.
Osylaısha elimizdiń atynan synǵa túsken 10 balýannyń 9-y júldeli oryndardan kórindi.
Nátıjesinde jalpy komandalyq esepte Qazaqstan quramasy kósh bastady. Odan keıingi oryndarda Iran jáne Qyrǵyzstan quramalary tur.
Endi 21 sáýirde qurlyqtyq dodada áıelder kúresinen jeńimpazdar anyqtalady.
Azııa chempıonaty 24 sáýirde máresine jetedi.
