Azııa chempıonatynda grek-rım kúresinen qazaqstandyq balýandar 8 medal aldy

ASTANA. QazAqparat - Iordanııa astanasy - Amman qalasynda ótip jatqan Azııa chempıonatynda grek-rım kúresinen elimizdiń 15 jasqa deıingi jasóspirimder quramasy 8 medal aldy, dep habarlaıdy QazAqparat tilshisi.

12 shildede kúres túrlerinen 15 jáne 20 jasqa deıingi jasóspirimder men jastar arasynda Azııa chempıonaty jalaýyn kóterdi.

QR Kúres federatsııasy baspaóz qyzmetiniń jetekshisi Aspandııar Esenjolovtyń aıtýynsha, jarystyń alǵashqy kúninde boz kilemge grek-rım kúresinen 15 jasqa deıingi jasóspirimder shyqty. Olardyń arasynan qazaqstandyq balýandar 3 altyn, 2 kúmis jáne 3 qola aldy.

El quramasynan Dıas Maratov (48 keli), Dosbol Shámil (57 keli) jáne Ábilmansur Ahalbek (68 keli) jeńimpaz tuǵyryna kóterildi. Al Márlen Meıirbekuly (62 keli) men Aıanbek Ibraev (85 keli) kúmis alsa, Sultan Máýlithanov (38 keli), Suńqar Zarap (44 keli) jáne Damır Aqan (52 keli) úzdk úshtikti túıindedi.

Endi búgin qyzdar saıysqa tússe, erteń erkin kúres sheberleri júldelerdi sarapqa salady.

Eske salsaq, budan buryn Kúres túrlerinen reıtıngilik týrnırge kimder baratyny belgili boldy.