Azııa chempıonatynda grek-rım kúresinen qazaqstandyq balýandar 3 kúmis, 1 qola aldy
ASTANA. QazAqparat - Iordanııa astanasy Amman qalasynda ótip jatqan grek-rım kúresinen 20 jasqa deıingi jastar arasyndaǵy Azııa chempıonatynda qazaqstandyq balýandar 3 kúmis, 1 qola aldy, dep habarlaıdy QazAqparat tilshisi.
12 shildeden bastap kúres túrlerinen 15 jáne 20 jasqa deıingi jasóspirimder men jastar arasynda Azııa chempıonaty ótip jatyr.
Jarystyń tórtinshi kúninde grek-rım kúresinen 20 jasqa deıingi jasstar synǵa tústi. Olardyń arasynan qazaqstandyq úsh balýan fınalda kúsh synassa, bireýi qola júldeni sarapqa saldy.
Fınalǵa shyqqan Aıbek Aıtbekov (55 keli), ıÝsýf Ashrafov (60 keli) jáne Nurasyl Amanaly (87 keli) qarsylastaryna ese jiberip, kúmis júldeni qanaǵat tutty.
Al 130 kelidegi Johar Ýzarov qola úshin bolǵan talasta Palestına balýanyn utty.
Endi 16 shildede U20 grek-rım kúresinen 60, 67, 72, 82 jáne 97 kelide júldeler sarapqa salynady.
Eske salsaq, budan buryn Azııa chempıonatynda áıelder kúresinen elimizdiń 15 jasqa deıingi jasóspirimder quramasy 3 medal aldy.
Sondaı-aq,qurlyqtyq dodada grek-rım kúresinen elimizdiń 15 jasqa deıingi jasóspirimder quramasy 8 medal aldy.
Al qazaqstandyq eki balýan erkin kúresten Azııa chempıony atandy.
Sýret - Qazaqstan kúres federatsııasy baspasóz qyzmeti
