Azııa chempıonatynda erler áıelder jarysyn kóre almaıdy
ASTANA. QazAqparat - Iran astanasy Tegerandaǵy Aftab Enghelab Complex kesheninde ótetin Azııa chempıonatynda áıelder arasyndaǵy saıysqa birde-bir er adam kire almaıdy, dep habarlaıdy QazAqparat QR Jeńil atletıka federatsııasynyń saıtyna silteme jasap.
Atalǵan habarlamada «dodanyń ereksheligi, qyzdar arasyndaǵy saıys kezinde manejde er adam bolmaýy tıis. Atalǵan ereje tek sportshylarǵa ǵana emes, tóreshi, tehnıkalyq qyzmetkerler, bapkerlerge de qatysty», -dep ashyq kórsetilgen.
Sondyqtan tańerteńnen túske deıin qyzdar, al tústen keıin jarys jolyna erler shyǵady. Al arýlarymyz erler arasyndaǵy básekeni kórermen retinde tamashalaı alady. Biraq Iran Islam Respýblıkasynyń normasyna sáıkes, mindetti túrde oramal taǵyp jabyq kıinip barýy tıis. Al erler áıelderdiń jarysyn kórýge múldem ruqsat joq.
Iran astanasyndaǵy jabyq keshendegi Azııa chempıonatynda qyzdarymyz 13 saıystyń 11-inde óner kórsetedi - 60, 400, 1500, 3000 metrge júgirý, 60 metrge tosqaýyldar arqyly júgirý, 4h400 metrlik estafeta, bıiktikke, uzyndyqqa, úsh qarǵyp jáne syryqpen sekirý, bessaıys.
Jarys kezinde qyzdarǵa ultyq quramanyń aǵa bapkerleri Lıýbov Nıkıtenko, Tatıana Nazarova jáne Marııa Ovchınnıkovanyń jeke bapkeri Larısa Ivshına kómektesetin bolady.
