Azııa chempıonatynda búgin qazaqstandyq úsh boksshy rıngke shyǵady
ASTANA. QazAqparat – Iordanııanyń Amman qalasynda ótip jatqan Azııa chempıonatynda búgin qazaqstandyq úsh boksshy rıngke shyǵady, dep habarlaıdy QazAqparat tilshisi.
Jarystyń tórtinshi kúni jastar arasynda álem jáne Azııa chempıony Sanjar Táshkenbaı 48 kelige deıingi salmaqta ózbekstandyq Asılbek Djalılovpen judyryqtasady.
Bul – qazaqstandyq jáne ózbekstandyq boksshylardyń osy birinshiliktegi ózara ekinshi kezdesýi. Budan buryn Sanatáli Tóltaev 63,5 kelige deıingi salmaqta Rýslan Abdýllaevtan aılasyn asyra almaǵan edi. Endi sol ketken eseni Sanjar qaıtara ala ma, ony rıng kórsetedi.
Búgin sondaı-aq Qazaqstan chempıony Dýlat Bekbaýov 67 kelige deıingi salmaqta túrkmenstandyq Saparmurat Odaevpen judyryqtasady.
El quramasyndaǵy tájirıbeli boksshylardyń biri, 2018 jylǵy Azııa oıyndarynyń kúmis júldegeri, Azııa chempıony Aslanbek Shymbergenov fılıppındik Marjon Pıanıarmen synǵa túsedi.
Kúndizgi sessııa Astana ýaqytymen saǵat 16.00-de, keshki sessııa 21.00-de bastalady.
Eske sala keteıik, budan buryn bokstan Azııa chempıonatyn Serik Temirjanovtyń jeńispen bastaǵanyn, Sáken Bıbosynovtyń bastapqy kezdesýin sátti ótkizgenin jazǵan bolatynbyz.
Sondaı-aq Nazym Qyzaıbaı Azııa chempıonatynyń ¼ fınalyna ótti.
Ashyq kózderden alynǵan foto
