Azııa chempıonatynda áıelder kúresinen qazaqstandyq balýandar úsh qola medal aldy

ASTANA. QazAqparat - Iordanııa astanasy Amman qalasynda ótip jatqan áıelder kúresinen 20 jasqa deıingi jastar arasyndaǵy Azııa chempıonatynda úsh qazaqstandyq júldegerler qatarynan kórindi, dep habarlaıdy QazAqparat tilshisi.

12 shildeden bastap kúres túrlerinen 15 jáne 20 jasqa deıingi jasóspirimder men jastar arasynda Azııa chempıonaty ótip jatyr.

Jarystyń altynshy kúninde áıelder kúresinen 20 jasqa deıingi jastar 5 salmaq dárejesinde synǵa tústi. Barlyǵy qola júldeni qorjynǵa saldy. Olardyń qatarynda Laýra Ǵanıqyzy (50 keli) Zeınep Baıanova (55 keli), Jibekjan Sabyrjanova (68 keli) bar.

Al Mádına Aman (59 keli) men Araılym Altynbek (76 keli) qola júlde úshin saıysta qarsylastaryna ese jiberip qoıdy.​ ​

Búgin, 18 shildede áıelder kúresinen 53, 57, 62, 65 jáne 72 kelide júldeler sarapqa salynady.

Eske salsaq, budan buryn Azııa chempıonatynda áıelder kúresinen elimizdiń 15 jasqa deıingi jasóspirimder quramasy 3 medal aldy.

Sondaı-aq,qurlyqtyq dodada grek-rım kúresinen elimizdiń 15 jasqa deıingi jasóspirimder quramasy 8 medal aldy.

Al qazaqstandyq eki balýan erkin kúresten Azııa chempıony atandy.

Azııa chempıonatynda 15 shildede grek-rım kúresinen qazaqstandyq balýandar 3 kúmis, 1 qola aldy.