Azııa chempıonatynda aýyr atletter 2 altyn, 2 kúmis, 2 qola medal alýdy josparlap otyr
ALMATY. 3 sáýir. QazAqparat /Erlik Erjanuly/ -Qytaıdyń Tong Lıng qalasynda 11-18 sáýir kúnderi aýyr atletıkadan Azııa chempıonaty ótedi.
QR Aýyr atletıka federatsııanyń bas hatshysy Meńdihan Tápsirulynyń aıtýynsha, qurlyqtyq bul dúbirli dodada qazaqstandyqtar 2 altyn, 2 kúmis, 2 qola medal alýdy josparlap otyr.
«Onda el namysyn erler arasynda - 8, áıelder arasynda 4 sportshy qorǵaıtyn bolady. Atap aıtqanda, erler arasynda Valerıı Tsoı (62 kg),
Kırıll Pavlov, Dáýren Sháýtıev (77 kg), Vladımır Kýznetsov (85 kg), Almas Óteshov, Vladımır Sedov (94 kg), Sergeı Istomın, Ibragım Bersanov (105 kg) jáne Stanıslav Kapıtovty rezervti ustap otyrmyz. 94 pen 105 keli salmaqtaǵy atletterdiń qaısy birinde oqys jaǵdaı bolsa solardyń ornyna shyǵýy múmkin. Al áıelder arasynda bul joly Svetlana Vınogradova, Tatıana Kostenko (58 kg), Tatıana Hromova (75 kg) jáne asa aýyr salmaqta Aleksandra Abornevaǵa úmit artylýda», deıdi Meńdihan Tápsir. Onyń sózine qaraǵanda, ulttyq quramanyń alǵashqy toby Azııa chempıonatyna 8 sáýirde, al ekinshi toby 11 sáýirde attanbaq. Onda ziltemirshilerdiń negizgi saıystary 12-17 sáýir kúnderi ótedi dep josparlanýda.
