Azııa chempıonatynda alty boksshymyz altyn oljalady
ASTANA. QazAqparat - Taılandta aıaqtalǵan bokstan jasóspirimder arasyndaǵy Azııa chempıonatynda qazaqtyń alty boksshysy altyn aldy.
Qazaqstan ekinshi ret qatarynan qurlyq chempıonatynyń jalpy esebinde top jaryp otyr.
Fınaldyq kezdesýlerde Sultan Zaýrbek (56 kg) koreıalyq An Výng Ikti, 60 kelide Abylaıhan Júsipov sırııalyq Ahmad Gossoýndy, Aıan Qalıbekov (64 kg) ózbek Mahmýd Gaıpovty, Vadım Kazakov (81 kg) ózbek Oıbek Mamazýlýnovty, Temirlan Kabıev te (91 kg) ózbekstandyq Asylbek Solıevti jeńdi.
Eldos Kadyrbaev (+ 91 kg) sırııalyq Tonı Attalahty altynnan aıyrdy.
Al Ertýǵan Zeınýlınov (49 kg), Ivan Kovalev (52 kg), Ilıa Ochkın (69 kg) qola medal aldy, dep habarlaıdy «Alaman».
