Azııa chempıonatyna eki-aq sportshysy qatysqan Qazaqstan ekinshi orynǵa ıe boldy
ASTANA. QazAqparat - Keshe Tashkent qalasynda ótken aýyr atletıkadan Azııa chempıonaty óz máresine jetti.
Jalpy komandalyq esepte Qazaqstan sportshylary ekinshi orynǵa ıe boldy. Sary qurlyq básekesine eki-aq sportshysy qatysyp, ekeýi de altyn medaldy jeńip alǵan Qazaq eli aýyr atletıkada myqty ekendigin taǵy bir dáleldedi. Aıta ketý kerek, 28 sáýir kúni 85 kelige deıingi salmaqta synǵa túskender arasynda Denıs Ýlanov, al keshe 94 kelige deıingi salmaqtaǵy ziltemirshiler saıysynda Vladımır Sedov Azııa qurlyǵynda teńdessiz ekendikterin aıqyn kórsetti.
Jalpykomandalyq esepti Qytaı eliniń sportshylary bastap tur. Úshinshi orynda Taıland, odan keıingi oryndar - Taıpeı, Iran, Koreıa Demokratııalyq Respýblıkasy, Mońǵolııa, Qyrǵyzstan, Ózbekstan, Japonııa, Vetnam sportshylarynyń enshisinde.
Jarystyń sońǵy kúninde 105 keliden joǵary salmaqtaǵy atletter arasyndaǵy báseke óte tartysty ótýimen este qaldy. Julqı kóterýde ózbekstandyq Rýslan Nýrıdınov 191 kelilik ziltemirdi kóterip, kishi altynǵa qol jetkizýmen shekteldi. Ol serpe kóterýde 235 kelini baǵyndyrǵanmen, qossaıys básekesinde qarsylastarynan qalyp qoıdy. Al serpe kóterýde ırandyq Bahodor Mýlaıı 247 kelini kóterip, ekinshi jattyǵý boıynsha altyn júldege ıe boldy. Qos saıys qorytyndysy boıynsha 432 (191-241) keli salmaqty kótere bilgen taıpeılik Chın-Chıen Chen Azııa chempıony atandy. Sondaı-aq túrkimenstandyq jas daryn ıesi Hojamuhamed Toıshıev 427 (190-237) keli kórsetkishpen ekinshi orynǵa ıe boldy. Birinshi jattyǵýynda biraz sátsizdikterge jol berip alǵan ırandyq Bahodor Mýlaıı 427 (180-247) keli kórsetkishpen úshinshi orynǵa taban tiredi.
Kórshi elde ótken osy bir qyzyqty básekeni qazaqstandyq jankúıerler bir apta boıy «Qazsport» telearnasy arqyly tikeleı efırde tamashalady.
Endi maýsym aıynyń basynda aýyr atletıkadan Qazaqstan birinshiligi Taldyqorǵan qalasynda ótedi. Sol synda Olımpıada oıyndaryna baratyn elimizdiń eń myqty sportshylary anyqtalatyn bolady.
