Azııa chempıonatyna baratyn balýandar anyqtaldy
NUR-SULTAN. QazAqparat - 16-23 aqpan aralyǵynda Úndistannyń Nıý-Delı qalasynda kúres túrlerinen Azııa chempıonatynda grek-rım kúresinen el namysyn qorǵaıtyn balýandar belgili boldy, dep habarlaıdy QazAqparat.
QR Ulttyq olımpıadalyq komıteti habarlaǵandaı, quramanyń bas bapkeri Baqtııar Baıseıitov ázirge senim artqan segiz balýannyń esimderin ataǵan.
Naqtyraq atap ótsek, «Saryqurlyq» birinshiliginde 55 keli salmaqta Horlan Jaqansha, 60 keli salmaqta Aıdos Sultanǵalı, 63 kelide Ernur Fıdahmetov el anmysyn qorǵasa, 67 kelide Ádilhan Sataev, 72 keli salmaqta Ibragım Magamadov synǵa túsedi. Al 77 kelide Temirlan Shadýkaev, 82 keli salmaqta Evgenıı Polıvadov baq synasa, 87 keli salmaqta Azamat Kústibaevqa úmit artylǵan.
Al 97 jáne 130 kelide Azııa chempıonatyna baratyn eki balýannyń esimi jaqyn arada belgili bolmaq.
Esterińizge sala keteıik, osyǵan deıin áıelder kúresinen Azııa chempıonatyna kimderdiń baratyny týraly habarlaǵan bolatynbyz.
